呢兩日都好攰, 好似想病咁!! 今朝亦唔係好肯起身, 但最灰係竟然等左差不多半個鐘先有車, 激死!!
返到教會, 繼續工作, 好似好多唔同o既散件, 好似覺得自己做唔到o的咩咁, 點解會咁!? 天父, 幫幫我好嗎!? 到底係我唔習慣而家o既工作模式定係我效率太低!?
今日, 我仲係同佢講左, 無諗到佢會咁o既反應!! 佢o既語氣讓我覺得佢好惡, 當我不斷聽佢講o既時候, 我覺得佢係唔明白, 我無再辯駁o的咩, 因為唔需要!! o係佢o既說話裡, 佢俾我o既感覺得從來o係佢心裡面我係壞人, 佢覺得我係要扁低佢咁!! 心裡面好難過, 不自覺就流下淚來, 想忍著但控制不了 ... 最後我只係講左句: 我從來無諗過要否定你, 更加唔係導師間無信任!! 之後我就忍唔住去左洗手間!! 佢知唔知我喊唔知, 只係知道我心裡面好難過, 甚至我根本唔想出去食飯, 但免得令事情更複雜, 算啦 ...
之後亦無同佢講野就同yellow 過左英皇, 之後回來佢扮咩事都無就同我講野!! 我亦無意要再嬲佢, 算啦, 我認輸, 或者佢係講得好o岩, 係真係好o岩, 我地之間太多問題!! 係, 最重要o既一個問題就係我地溝通唔到!! 我投降, 我放棄!!
六點幾走, 落左灣仔買野就返屋企!! on the way 我亦不斷諗住呢件事, 點解會咁!? 點解我o係佢心目中係咁樣?! 天父, 我好難過 ...
------------------------------------------------
後記：
o係我未睇到任何印證以前, 我先睇到係我地有好大o既溝通問題!! 這係咪已足夠叫我唔好再自討苦吃?! |