01年2月8日, 第一份文職, 首先是做計飛仔, 因為我公司是做製衣的, 行外人是不明白咩叫計飛仔的.
02年7月, 轉了做shipping. 期間負責入口, 轉口上大陸, 報關, 開 L/C, PN, OPA, IT suport & maintenance... 一直沒有做過出口貨, 但上堂學過.
08年9月, 轉了做助理跟單, 因為開始冇 OPA, Shipping 野清減了, 跟單又請唔到人, 索性將我轉了過去. 其實負責訂布, 訂物料, 出test, 跟development 辦, trim card, 仲有d跟單的濕星野... 一樣要跟IT 野...
09年5月, 轉了去做admin, 原因我都不知道, IT 野照跟, 仲有公司設備的合約, 搬遷的安排.... 文件類...
09年11月尾, 同事放產假, 幫手做返D跟單野, 但亦要跟少少Admin 同IT野, 問題不是太大, 只是比較忙.
10年1月尾, 公司又想轉我去做A/C dept. 我最終都沒有轉到過去.
9年21日的日子, 在2010年2月28日畫上了一個句號, 我很多謝我老闆娘比左咁多機會我, 係呢度由一張白紙, 變成樣樣都有一半字的紙, 有d人可能覺得很羨慕, 也可能有人覺得委奇怪. 不論你睇完有咩感覺都好, 我心裡的, 都是一句多謝, 因為佢除左比機會我之外, 仲係我有困難時幫過我, 呢樣野係無可置異的.
當我通知同事們要走, 個個都問我點解, 但我覺得實在太難講出口了, 我覺得一個同事在搞風搞雨, 有人和應有人信, 呢個就不再係一個工作的地方了, 係度做野咁多是非, 做都做得唔開心. 因為成日聽到D人講野有骨, 都唔明點解D人成口骨都冇哽死.... 哈哈~
朋友話, 當一間公司前境不明, 又要裁人, 就會有人因為想保住自己而去造謠生非. 我好信呢樣野, 尤其係果D人工高得來又唔值價的人... 總之多隻香爐多隻鬼, 少個香爐就少隻鬼爭... 明既明既.
今日返新工, 又係做返Shipping, 佢講明比我學出口野, 其實點解我揀Shipping? 好明顯就係為左糊口啦, 就係因為我做左咁多年shipping, 理應比較熟悉, 要學都易上手d, 但其實 shipping 都放低左年半, 現在又執返上手, 就覺我自己唔係一個屬於做shipping的人, 又或者覺得自己唔適合做文職, 但冇計, 做 IT 我又冇證書, 會考英文又唔得, 做助理跟單又唔夠經驗, 又冇讀過杷關課程. 做admin 更加唔會, 因為有d 伴君如伴虎的感覺, 有d怕....
我都好想轉行, 做我喜歡做的工種, 但我知道如果我轉左果d, 我就會冇左好大部份的教會生活, 而且我又好想星期六可以同班細路練歌夾band, 又好想星期日返到教會, 又想平日可以開組... 真頭痕...
工作是為了生活糊口, 還是為了興趣?
JMiu